Fundamentu

"Ohin sarani, aban muda ba sekta seluk ka relijiaun seluk ka situasaun kaben ohin aban soe malu". Lian Bispo Deocese Dili. Dom. Ricardo da Silva husu ba kaben nain sira hotu katak labele soe malu wainhira parseriu ida nain rua se moris hela.

Nia dehan, ohin loron ema soe malu tanba problema FUNDAMENTU.

Fiar la metin, igreja katoliku bandu kaben nain husil malu, divorsiu ka poligami.

Iha pontu ne'e Igreja nudar institusaun ida halo nia serviso fo "moral" nomos "bandu" ema atu husik malu. Nia la buka ba kaben nain ne'ebé husik malu tanba tanba de'it problema FUNDAMENTU.

Fundamentu iha ne'e ita liga ba situasuan kaben. Fundamentu ne'e baziku, problema ne'ebé uma kain ida hetan lor lorn, baku malu, hirus malu, bele problema ekonomia no violensia sira seluk.

Hau nia analiza ba lia fuan "Fundamentu" Tuir Bispo Ricardo nia hanoin kabin nain labele (relijiaun bandu) atu husik malu tanba problema fundamentu.

Hau laiha dadus ba tinan tinan kaben nain iha Timor Leste husik malu tanba problema fundamentu.

Kabin nain ne'ebé la husik malu maske moris ho problema fundamentu. Iha parte ne'e ho hau nia analiza badak hatudu katak relijiaun suporta problema baziku ne'ebé mosu iha uma laran. Fundamentu.

Institusaun relijiaun la buka hatene nia problema atu rezolve maibé bandu de'it. Se ita bandu buat ida sempre mai ho razaun ne'ebé tama ba kakutak.

Buat ne'ebé hakerek iha biblia kuandu ema nain rua kaben tanba domin ou obrigasaun. Iha situasuan ne'e lia fuan repete halo juramentu katak, Hau promete...........................

Liu tiha semana, fulan nomos tinan la kleur husik malu tanba problema fundamentu (Baziku). Feto dalaruma hetan baku hosi nia laen, media hakerek tanba deit problema baziku Markita han tuku. tanba de'it feto buka serviso, mane lakohi hare nia oan tanba hatun nia "dignidade" Markita han tan tuku.

Markita mos hatene, duke hau han tuku hela de'it (bispo dehan tanba deit problema baziku. Violensia) Nia ba kesar ba Polisia, lori ba tribunal atu fahe malu. Nia la bele lori nia problea violensia domestiku iha loron domingu tanba padre se haruka nia ba reja ami aman dala tolu, perdua onia laen nia sala, o se hetan reinu lalehan. Jejus hadomi ema ne'ebé terus lor loron.

Padre ho Media suporta malu hakerek halo marzinaliza ba vitima kaben. Katak nia tenki simu, labele husik malu, Timor ne'e mayoria kristaun Katoliku, tanba de'it problema fundamentu.

Edisaun: Jornal TIME Timor, edisaun Juni,2016, pagina 15/104.

Robin dos Santos Leitor media