Lian materna azuda ha'u aprende literatura

Hau aprende literatura mundu mai hosi lian inan (fataluku)

Laos tanba lian inan labarik sira tuku malu laos tanba lian inan labarik sira hetan diskriminasaun laos tanba lian inan ema tuku malu iha kapital, laos tanba lian inan hamosu krize 2006

labarik sira baku malu tanba hare nia maun baku malu maun sira oho malu tanba nia maluk ema oho bot sira istori malu/oho malu tanba desizaun politik neebe la simu malu katus ida rasta katuas ida tanba nia sasan laiha folin klosan oin loron buka ema tinan boot tanba razaun seluk

lian inan tama ba mundu politik hotu hotu buka nia persentu lian sai bisnis politik laos edukasaun

sedauk iha ema ida kritika hau tanba haun hakerek poema iha hau nia lian fataluku

hau sedauk le Edgar Allan Poe nia istoria hau nia mama konta istoria iha tempu kalan hau sedauk konese televizaun hau nia mama konta ona istoria

hau sedauik estuda literatura hau nia mama hanesan hau nia mestra Hau sedauk le Antonio Gramsci, Paulo Coelho hau rona tena istoria hosi hau nia avo.

ohin loron ita estuda ona politik, demokrasia, organizasaun. ita la rekonese ita nia an, ita nia riku soin laos mina deit neebe se debate maibe kultura oral, muzika tradisaun. la susar atu fo sala ba ema seluk, konfesa sala iha loron domingu.

Populasaun iha Dili hare konsertu Galaxy kanta iha lian fataluku semak ba baku nia? Problema laos lian inan maibe problema ne'e ita iha iha interese politiku ou problema iha kakutak.

ohin loron ita hotu iha asesu ba teknologia senti matenek liu labarik sira neebe tinan rua ba kraik, ho nia pasensia atu rona nomos komprende saida mak profesora esplika iha lian tetun, portuges, ingels. Nia mai tur iha simenti atu koko komprende. ita tur iha parlamentu, tur iha aviaun laran hemu kokakola, tur iha restorante han diak iha problema boot ba labarik tinan rua koko atu komprende lisaun.

lian inan azuda ita atu aprede siensia seluk la susar, lian inan hanesan espiritu ba literatura oral. Hau mai hosi lian inan. Hau sempre hakerek iha lian fataluku.

[edisaun: uainhira lian tama ona ba mundu politiku, sira budu didiak, koalia iha media. hanesan kaer ema nauk manu inan hetan kastigu tinan 10 iha Becora. problema boot taka rasik tanba labarik tinan rua iha Lospalos koko atu komprende. e lau to ana i..] Robin