Ksolok Halo Tinan ba O
- Vitalia Ze
- Dec 2, 2016
- 1 min read
CAILØR MEDIA
Dedikasaun ba belun diak ida be ohin halo nia tinan…
Hori uluk kedas harohan ne’e ladauk kotu ba o
Hahu husi loron wainhira ha’u hatene o
Katak iha ha’u nia mundu iha ema ida kmanek hanesan o
Be halo fuan ne’e nafunan loro-loron wainhira hare’e hetan o.
Ba o nia simplisidade
Ba o nia sinseridade
Ba o nia amizade
Ba o nia vontade
Ha’u laran monu, la’os ho metade.
Ha’u sei hanoin kona o nia jeitu sira uluk nian
O nia hanoin sira uluk nian
O nia liafuan sira uluk nian
O nia mehi sira uluk nian
Sira mesak simples, la aas liu nian
Maibe o sempre hateten mai ha’u, katak o hakarak atu halo diak- liu nian
Ha’u hadomi o iha ha’u nia harohan
Estima o iha ha’u nia lia-hamahan
Tan ho o mak hau aprende tahan
Senti hirak be wain nudar aitahan
Ohin loron…
Harohan ne’e ladauk para
Maski hamutuk ne’e sei para
Tan habelun nunka para
Maibe ba o…
Ha’u husu boot
Katak ohin ne’e bele sai loron boot
Ba o atu sai boot
Hodi haburas o nia mehi no titu sira atu sai mos boot.
Ksolok halo tinan ba o....
VZ,
Caicoli-Dili, 2 Dezembru 2016
Comentarios